Europatik kanpo (2-1)
Partiduaren bila joan beharra zegoen eta Eusebioren mutilak hala irten ziren zelaira. Partiduko lehenengo gol aukera garbia Mikel Oyarzabalek izan zuen baina honen burukada kanpora joan zen gutxigatik. Hortik gutxira, etxekoen gola iritsi zen. Rulliren atera hurbiltzen ziren lehenengo aldian, Dabburrek atezain argentinarra gainditzea lortu zuen. Txuri-urdinek ez zuten etsi eta orduerdia bete aurretik partidua berdintzea lortu zuten, Navasen bitartez. Ondorioz, 1-1 atsedenaldira.
Bigarren zatian ez genuen joko askorik ikusteko aukerarik izan, gehiegi eteten baitzen jokoa. Bukaerarako hogei minutun faltan, bigarren txartel hori ikusi zuen Navasek eta bere taldea bat gutxiagorekin utzi zuen. Hori gutxi balitz, hurrengo jokaldian penaltia adierazi zuen epailean Realaren aurka eta Berishak, hamaika metrotatik, ez zuen barkatu. Partidua berdintzeko aukerak izan bazituzten ere, hemen bukatu zen gipuzkoarren ametsa.
Tristuraz gainezka, agur esan beharko dio Realak UEFA Europa Leagueri.
- Partiduko fitxa:
FC Salzburg: Walke, Lainer, Andre Ramalho, Onguené, Ulmer, Samassekou, Schlager, Yabo (Berisha, 62.min), Haidara, Wang (Gulbrandesen, 90.min) eta Dabbur.
Real Sociedad: Rulli (T. Ramírez, 77.min), Odriozola, Aritz, Raúl Navas, De la Bella (Llorente R., 46.min), Illarra, Zurutuza, Canales, Oyarzabal, Januzaj eta Agirretxe (Bautista, 70.min).
Golak: 1-0: Dabbur, 10.min. 1-1: Raúl Navas, 28.min. 2-1: Berisha (p), 74.min.
Epailea: Karasev (Errusiarra). Txartel horiak: Schlager, Dabbur (FC Salzburg) eta Illarra (Reala). Txartel gorria: Navas (Reala).