Garaipen garrantzitsua Alavesen aurka (2-1)
Partiduak hasiera ezin hobea izan zuen etxeko taldearentzat. Izan ere, korner batean, Hector Morenok bere lehenengo gola egin zuen kamiseta txuri-urdinarekin bere taldea markagailuan aurretik jarriz eta hortik gutxira, Illarrak bigarrena egitea lortu zuen aldaratze bat aprobetxatuz. Hala ere, aldageletara joan aurretik, abantaila murriztea lortu zuten gasteiztarrek Pedrazaren bitartez.
Bigarren zatian, partiduaren erritmoa eta kalitatea jaitsi egin zen. Baloia mugitzea gehiago kostatzen zitzaien bi taldeei eta ez zuten gol aukera argirik sortzen. Zurutuzak izan zuen argiena buruz, baina erdilaria ez zen Pacheco gainditzeko gai izan. Berriro ere Willian Jose zelaian ikusteko aukera izan genuen eta gutxi falta izan zitzaion brasildarrari hirugarrena egiteko. Azkenean, 2-1 markagailuan eta merezitako hiru puntu Anoetan gelditu ziren.
Lanean jarraitu beharra dago goiko postuetara hurbiltzeko, oraindik asko gelditzen baita.
- Partiduko fitxa:
Real Sociedad: Moyá, Odriozola, Llorente R., H. Moreno, De la Bella, Zubeldia, Illarra (k), Canales, Oyarzabal, Januzaj (Willian J., 68.min) eta Bautista (Zurutuza, 46.min).
Deportivo Alavés: Pacheco, Martín, Laguardia, Ely, R. Duarte (Burgui, 80.min), D. Torres (Medrán, 65.min), T. Pina, Ibai (Hernán Pérez, 80.min), Pedraza, Sobrino eta Guidetti.
Golak: 1-0: H, Moreno, 6.min. 2-0: Illarra, 11.min. 2-1: Pedraza, 39.min.
Epailea: Martínez Munuera. Txartel horiak: R. Duarte (Alaves).
Asistentzia: 21.445 ikusle.