Hamaikakoan Illarraren presentziak eztabaida asko sortu ditu zaleen artean baina ez adituen artean. Real Madrileko beteranoek konfidantza osoa dute Asierrengan.
Fundación Clínica Menorcak, bularreko gaitzaren aurka borrokan egiteko, padeleko torneo bat antolatu zuen. Bertan egon zen Fernando Hierro eta ez zuen zalantzarik izan mutrikuarra babesteko orduan: "Ez da jokalari biguna, horrelako partiduak jokatzeko bezala dago. 21 urtez azpiko Europako Txapelketako finala jokatu eta irabazi zuen eta Erreala laugarren postuan utzi zuen. Jokalari oso ona da baina horrelako tale handi batera moldatzeko denbora behar da, baina gaitasuna du Xabi ordezkatzeko".
Mutrikuarraren babesean irten zen bigarrena, Paco Pavón izan zen: "Oso zaila da Madrileko presio horretara moldatzea, partidu guztiak irabazteaz gain ehuneko ehunean jokatzea eskatzen dizuelako, baina Asierrek, lehenengo urtean, oso ondo egin du. Asko ikasten ari da eta etorkizunerako pieza garrantzitsu bat izango da taldearentzat. Berak dakien bezala jokatzeko esango nioke, Errealean jokatzen zuen bezala".
Michel ere, Asierren babasera irten zen: "Ancelottik hamaikakoan sartzen duen edozein jokalari egongo da ondo. Esperientziadun jokalari bat da, Lehenengo Mailan nahikoa partidu jokatu ditu, garrantzitsuak barne.
Ancelottik ez zuen ziurtatu Asier hasierako hamaikakoan egongo zenik baina itxura osoa du: "Illarrari ondo ikusten diot, lasai eta bere buruan konfidantzarekin.