Illarra, berriro #MVPtxuriurdin: “Mila esker!”
Bigarren urtez, zale txuri-urdinek Asier Illarramendi 16-17 denboraldiko jokalari onena aukeratu dute. Ligako neurketa guztiak jokatu ostean, jarraitzaileek partidako futbolari onena bozkatu dute Twitter sare sozialean #MVPtxuriurdin hashtag-a erabiliz. Illarrak puntu gehien gehitu dituen jokalaria izan da (68 puntu), Carlos Vela (56 puntu), Yuri Berchiche (34 puntu) eta Alvaro Odriozolaren (32 puntu) aurretik. Behin liga amaituta, Illarrak #MVPtxuriurdin saria jaso du eta “oso pozik eta eskerturik” erakutsi da Real Sociedad TV-ren aurrean. Ikusi elkarrizketa osoa bideo honetan.