Reala horrela irabazten ohitzen ari da. Sendotasunez eta hiru puntu gehiago lortzeko behar den eraginkortasunez. Garaipen honek Europako postuetan sendotu du Deportivo Alaves bat eta huts mendean hartuta. Zubimendiren gol batek, bigarren zatian, partida zaila erabaki txuri-urdinak nagusi izan ondoren Alavesen aurka. Alavesek ere bere aukerak izan ditu berdinketa lortzeko.

Partida Alaves erasokor batekin hasi da, Remiroren ateraino arrisku apur batekin iritsi eta gero. Ez du aukera argirik izan, baina anbizioz atera da zelaira. Minutuek aurrera egin ahala, Reala hobeto sentitu da eta aurkariaren areara argitasunez iristen hasi da. Januzajen pase batek Merino bakarrik utzi du Pachecoren aurrean, baina nafarrak ez du asmatu baselina saiakeran. Isakek ere gola sartzeko bi aukera on izan ditu. Lehenik takoikada zail batean eta, ondoren, gora joan zaion buruz egindako erremate batean.

Bigarren zatian Realak nagusitasuna areagotu du. Ez du eraso argiegirik egin, baina aukerak izan ditu. Lehen ordu laurdenean, jokaldi pertsonal batean, Zubimendi oso gertu egon da txuri-urdinak aurreratzetik, baina bere jaurtiketa estua gutxigatik kanpora joan da. Gauzak bata bestearen atzetik gertatu dira eta, azkenean, gola iritsi da. Aurretik, Sorlothek burukada argia izan du gola sartzeko, baina Laguardiak atera du atepetik. Amaierarako hogei minuturen faltan, geldikako jokaldi batean, Oyarzabalek baloi bikaina jarri du Zubimendik buruz sarera bidaltzeko. Zailena egina zegoen. Baina Alavesek berehala erantzun du, eta Remiroren esku salbatzaile batengatik izan ez balitz, berdindu egingo zuen. Realeko atezainak geldiketa bikaina egin du.

Beste garaipen bat Reale Arenan. Beste garaipen bat, denboraldi honetakoa bezalakoa, defentsan sendotasuna erakutsiz eta goian behar bezala jokatuz. Amaierarako hamar partida oso ondo kokatuta sailkapenean. Aupa, Real!

- Fitxa teknikoa:

Real Sociedad: Remiro, Gorosabel (Zaldua, min.74), Le Normand, Pacheco, Rico, Illarra (kap)(Zubimendi, min.46), Merino, Rafael (Zubeldia, min.83), Portu, Januzaj (Oyarzabal, min.62) eta Isak (Sorloth, min.62).

Deportivo Alaves: Pacheco, Tenaglia, Laguardia (kap), Lejeune, Duarte, Pina (Escalante, min62), Toni Moya (De la Fuente, min.83), Pere Pons (Loum, min.73), Edgar (Jason, min.73), Rioja (Vallejo, min.83) y Joselu.

Gola: 1-0: Zubimendi, min.70.

Epailea: Figueroa Vazquez. Txartel horia erakutsi die etxeko Illarrari eta kanpoko Laguardiari.

Asistentzia: 31.573 ikusle.

- Realsociedad.com