Realak aurrerapauso handia eman du laugarren posturako borrokan, Real Madridi Reale Arenan bi goleko aldearekin mendean hartuta. Txuri-urdinen partida bikaina, Kubo eta Barreneren golekin, txapelketa amaierako txanpa honetan gorantz joateko.

Partida hasiera zirraragarria izan da. Tchouameniren jaurtiketa batek Remiro proban jarri du, eta madrildarren arean, Courtoisek pare bat aldiz hartu behar izan du parte futbol bikaina jokatzen ari zen Realaren aurka. Silvak izan du gola bere botetan, baina ez du asmatu Sorlothen pasea gauzatzen. Handik gutxira, korner batean, Zubimendik, hanka jarrera behartuan luzatuz, baloia langara bidali du. Ordu erdia bete baino lehen, area barruan, Oyarzabalen jokaldi batean, epaileak ez du ezer adierazi eta VARetik ere ez dute ezer esan. Penaltia oso argia izan da.

Bigarren zatia estasiarekin hasi da. Militaoren akats batek erraz utzi dio gola Kubori, eta honek, adi-adi, area txikiaren barruan berreskuratutako baloia sare barrura bidali du. Talde zuria hamar jokalarirekin geratu da Carvajalen kanporaketagatik eta Realak, zenbakizko nagusitasunez, jabetza askoz gehiago izatea lortu du, jokoari beharrezko atsedena emanez. Azken txanpan, banakako jokaldi batean, Barrenek Courtois gainditu du jaurtiketa bikain batekin, Reale Arenako harmailetan eromena jartzeko.

Garaipen bikaina talde handi batentzat. Meritu izugarria eta gozamena. Zoragarria izan da. Aurrera, Reala!

- Fitxa teknikoa:

Real Sociedad: Remiro, Gorosabel (Aritz, min.63), Zubeldia (Pacheco, min.63), Le Normand, Aihen, Zubimendi, Merino, Silva (Illarra, min.89), Take (Barrene, min.74), Oyarzabal (kap) eta Sorloth (Carlos Fernández, min.74).

Real Madrid: Courtois, Carvajal, Militao, Rudiger, Nacho (kap), Kroos (Lucas, min.63), Tchouameni, Ceballos, Asensio (Arribas, min.82), Rodrygo eta Mariano.

Golak: 1-0: Take, min.47. 2-0: Barrene, min.85.

Epailea: Pulido Santana. Txartel horia erakutsi die etxeko Gorosabeli eta kanpoko Ceballos, Nacho eta Rodrygori. Kanpoko Carvajali txartel hori bikoitza erakutsi dio 62. minutuan.

Asistentzia: 35.314 ikusle.

- RealSociedad.com