Dinamika berean jarraitzen du Realak. Etxekoek gehiago merezi izan bazuten ere, Galizarrek eraman zituzten hiru puntuak Anoetatik. Marakagailuan aurretik jarri baziren ere, Aspas eta Maxiren golei esker buelta eman zioten partiduari Unzueren mutilek.

Partiduak hasiera bizia izan zuen. Txuri-urdinak baloi jabetzan nagusi ziren eta kanpokoak kontraeraso batzuen bitartez iristen ziren min askorik egin gabe. Horrela, hamargarren minutuan, Xabi Prietoren erdiraketa aprobetxatu zuen Willian Josek markagailua estreinatzeko. Hortik gutxira, penaltia adierazi zuten kanpokoen alde eta Aspasek, Ruliren aurrean, ez zuen barkatu. Atsedenaldira markagailuan aurretik joateko aukera paregabea izan zuen Willian Josek hamaika metrotatik baina ez zuen asmatu eta beraz, banakoarekin joan ginen aldageletara.

Bigarren zatian ere nagusitasuna mantendu zuten etxekoek. Celtak aukera garbirik izan ez bazituen ere, korner baten bidez, markagailuan aurretik jartzea lortu zuten ordu laurdenen faltan. Txuri-urdinak bukaeraraino saiatu ziren arren ezin izan zuten punturik eskuratu.

Egoera zailtzen doa eta dinamika berean jarraitzen dugu. Lana egin behar da guztion artean aurrera joateko.

Fitxa teknikoa:

Real Sociedad: Rulli, Odriozola, Llorente R., Raul Navas, Rodrigues, Zubeldia, Illarra, X. Prieto (Agirretxe, 82.min), Canales (Oyarzabal, 60.min), Juanmi (Januzaj, 69.min) eta Willian J.

Celta de Vigo: Rubén Blanco, Hugo Mallo, Sergi Gómez, Roncaglia, Jonny, Lobotka, Jozabed (Radoja, 67.min), Wass, Iago Aspas, Maxi Gomez (G. Cabral, 88.min) eta Pione Sisto (Brais, 78.min).

Golak: 1-0: Willian J., 10.min. 1-1: Iago Aspas (p), 21.min. 1-2: Maxi Gomez, 75.min.

Epailea: Mateu Lahoz. Txartel horia: Zubeldia (Reala) eta Jozabed eta Lobotka (Celta).

Asistentzia: 19.081 ikusle.